كيكة معتبرة بالشكلاط

السلام عليكم ورحمة الله وبركاته
كيفحالكم بنات انا اول مرة كنذخل لهاد المنتدى واول اشتراك ليا هو اليوم بلحق معرفتش علاش المشاركات قليلة فيه يلااا بنات همتكم معانا نعطيو افكار ونجيبو الجديد لهاد المنتدى
الموضوع ديالي هو كيكه بالشكلاط كتجي رائعه ولذيذه بلا منطول عليكم نخليكم مع المقادير
4بيضات
1كاس زيت
1كاس ونصف سكر كلاصي
1كاس شكلاط غبره
1كاس ديال الماء دافي
3خمارات ديال الحلوه
1فاني
شوية الحامض محكوك
3كيسان دقيق
الطريقه
كتعملي البيض والزيت والشكلاط وسكر كلاصي والحامض والفاني والماء في الخلاط او العجانه كتضربيهم مزيان ومن بعد كتضيفي الدقيق والخمارات وكتدهني المول ديالك او قالب الحلوى وكتدخليه للفرن ومن بعد كتزينيه على طريقتك سيدتي انا زينتها بالشكلاط ابيض محكوك وممكن تدوبي الشكلاط الابيض وتغطيها بيه وتجيبي الشكلاط الاسود وتعمليه فوق الابيض بحال ميل فاي وكدلك ممكن تغطيها بالشكلاط اي لون الا حبيتي وتديري عليها رقائق اللوز.
بالصحه والراحه

باينة زوينــــة تبارك اللــــــــــــــه عليك

بصحتك حلوة ممتازة فعلا
بانتظارجديدك,